迷你千層濶麵

尋晚家中兩老又有節目, 夜晚果餐我要食自己!!!  既然食自己...咁就唔好又係白飯同清菜啦 !!!  大家姐之前俾咗幾塊長濶麵我, 一直放埋一邊未用 !!! 今晚就大排用場喇 !!! 咁啱屋企又有蕃茄 !! 又有肉碎 ! 咁就啱哂啦 !!

千層濶麵從未整過 !! 不過應該都係同一般意粉咁做啫 !!!!  好耐以前又可以上網見過人地點整 !!! 咁就亂打亂撞 !!!

1)先將將蒜頭切碎放入鑊炒, 然後加入醃好o既豬肉碎再炒, 炒到半熟, 然後將切碎o既蕃茄加入炒一陣, 再加水, 蕃膏, 茄醬, 意大利香草, 黑椒碎, 糖, 芝士粉, 炒成醬!!! 備用.

2)煲一煲水, 水滾加鹽, 再將麵加入, 煮到九成熟.
3) 耐熱碗內掃上油, 將濶麵加入,  再加一層肉醬 , 灑d 芝士粉, 加濶麵, 再落肉醬, 再加芝士粉, 如此類推 !!
4) 加完最後果塊濶麵同肉醬後就可以加埋mozzarella 芝士後就;可以放入預先以250度預熱o既焗爐內焗至芝士溶化就得喇 !!得!!!