爭住同我瞓 !!!!

每一晚阿寶同jimmy梗會輪流走上我張床同我瞓 !!! 不過阿寶就一定係瞓上我大脾度痴住我瞓 !! 而jimmy就多數瞓o係我個頭o既左手邊 !! 一人一個位 !!!  不過天氣開始轉凍喇 !! 兩個都爭住瞓我大脾 !!!!  尋晚所見 !!! 頭一輪係jimmy先o黎霸位 !!! 不過瞓咗唔使夠一陣就俾阿寶霸返 !!! 話哂大脾位係阿寶o既主場 !!! Jimmy想瞓.............無咁易囉 !!! 哈...

勝利者!! 個姿勢都型過人 !!

瞓過一陣咁大把o既Jimmy!!

你瞓佢個眼瞓樣 !!! 好鬼搞笑 !!

其實Jimmy都無蝕底o架 !! 因為佢仲醒 !! 佢走埋入去我個被窩度同我一齊瞓 !!! 仲舒服 !!!

買咗本新書

  

2014年11月29號 約咗好友出屯門食晏 !!! 之後行經大會堂望到對開空地擺緊書展 !! 於是行過去望下 !!! 查實想望下有冇 (bread 頂級風味麵包書 ) 呢本書買 !! 不過搵唔到 !!! 之後望到 (我愛芝士糕 )呢本書 !! 講真我無幾可整芝士蛋糕 !!! 尤其是係焗o既芝士蛋糕..我只整過日式之芝士蛋糕一款咁大把 !!!因為我怕芝士蛋糕太膩, 我自己唔係太接受到 !!! 但本書望落又幾吸引!! 再加上唔貴, 而且仲有七折 !!! 而我自己一本專整芝士蛋糕o既書都無 !! 買一本o黎看下門口都好o既 !!

本書原價 68蚊, 其實已經算平, 依家打埋個七折就只需要 47.6, 但店員只係收咗我 47蚊 !!! 足足平咗21蚊 !!! 真係好抵呀 !!!! 所以你話點可以唔買呢 ~~~~  

可惜當日睇唔啱其他書 !!! 有都買多兩本呀 !!!! 不過幾時先跟呢本書整芝士蛋糕呢 !!! 係個迷 !! 係個迷 !!!  我諗要咁啱睇到芝士有特價, 而我又心血來潮想整....真係要天時.地利.人和...先至推動到我去做!!!! 雖然真係唔知幾時先做, 但我一定會試 o既 !!!! 想食o既朋友...你要等下喇 !!! HE..HE...

迷你千層濶麵

尋晚家中兩老又有節目, 夜晚果餐我要食自己!!!  既然食自己...咁就唔好又係白飯同清菜啦 !!!  大家姐之前俾咗幾塊長濶麵我, 一直放埋一邊未用 !!! 今晚就大排用場喇 !!! 咁啱屋企又有蕃茄 !! 又有肉碎 ! 咁就啱哂啦 !!

千層濶麵從未整過 !! 不過應該都係同一般意粉咁做啫 !!!!  好耐以前又可以上網見過人地點整 !!! 咁就亂打亂撞 !!!

1)先將將蒜頭切碎放入鑊炒, 然後加入醃好o既豬肉碎再炒, 炒到半熟, 然後將切碎o既蕃茄加入炒一陣, 再加水, 蕃膏, 茄醬, 意大利香草, 黑椒碎, 糖, 芝士粉, 炒成醬!!! 備用.

2)煲一煲水, 水滾加鹽, 再將麵加入, 煮到九成熟.
3) 耐熱碗內掃上油, 將濶麵加入,  再加一層肉醬 , 灑d 芝士粉, 加濶麵, 再落肉醬, 再加芝士粉, 如此類推 !!
4) 加完最後果塊濶麵同肉醬後就可以加埋mozzarella 芝士後就;可以放入預先以250度預熱o既焗爐內焗至芝士溶化就得喇 !!得!!!

至乖仔o既阿寶

阿寶在o係我心目中永遠都係至乖仔果個 !!! 因為有個唔乖O既Jimmy o係度麻!!!  哈...
阿寶話咁快都七歲半喇 !!! 時間過得真係好快 !!!!   依家就肥咗d...推都唔多郁 !! 有時真係俾 佢激屎o架 !!! 成日都瞓 !!! 俾佢吹到你啤啤聲 !!! 暈喇 !!

阿寶 !! 你要健健康康 !!!! 開開心心 !!!  同佢過每一日呀 !!! 我都會同你行每一步 !!!! ^^

BBQ

2014年11月23號星期日同兩位好友去咗元朗西鐵燒烤場燒o野食 !!! 果一日天氣好好, 唔熱又唔涼 剛剛好 !!! 呢d 天氣最好去燒o野食 !!! 

果日都食咗好多o野 !!! 其實呢間燒烤場都o野都幾好味 !!! 尤其是辣雞亦 !!  我地四點幾去到, 一燒到夜晚九點咁上下, 全程都係咁燒...又係咁食 !!! 自己都覺得好似食咗好多o野咁 !!! 哈... 間唔中一次..........都可以o既, 成日咁就真係唔掂喇 !!!! 

呢排d 朋友都好難約齊人!! 希望下次再去燒o既時候可以多d人 !!! 熱鬧d啦 !!!!

自製豬肉鬆

尋日煲咗湯, 湯就飲咗, 瘦肉就無人食, 我好耐以前都有諗過不如拎d 煲完湯o既豬肉去整肉鬆 !!!! 不過餐餐都係得個諗字, 最後都係掉哂d湯渣 !! 不過尋晚心血來潮拎d豬肉去整肉鬆 !! 

我上網見d做法都好簡單, 只係加d生抽同糖o黎調味就得o架喇 !!! 於是就開工, 咪好有耐性咁將d 豬肉係咁撕!!!! 越撕得幼越好 !!!   撕完就拎去抄 !! 加 d 生抽加d黃糖 !! 一路炒就一路試味 !!!  最緊要將d 豬肉鬆炒得乾身 !!! 因為只係用細火炒, 我都炒咗一段時間 !! 

炒果陣試就覺得夠味 !! 到整好哂放涼埋再試味 !! 好似唔係好夠咸, 又唔夠甜 !!!  下次再有煲湯豬肉我會再試, 到時用醬油膏!! 睇下味道會唔會濃d!!! 色水應該都會靚d !!

整完出o黎真係同買果 d 差唔多o架 !!!! 仲好似狗仔d毛毛, 好得意!!!

呢do岩o岩炒o既狀況 ! 色水淡d, 亦無咁鬆 !!!   

黑鑽芝麻餐包 - 附食譜

今日跟[Bread 頂級風味麵包書] 整咗呢款黑鑽芝麻餐包], 不過我就無用白砂糖, 轉咗用黑糖 .
另外, 高筋粉o既份量減咗d, 加返d 全麥粉 !!! 牛油份量亦減咗,  健康d 呀麻 !!

呢款包用直接法, 唔使預先準備中種,  又唔使用湯種, 但做完出o黎效果都好軟熟 !!!
 好好味 !!!!

高筋粉 200克
全麥粉 50克
酵母3克
奶粉 10克
黑糖 35克
鹽 3克
 牛奶 62ml
蜂蜜 12ml (要用熱水將蜂蜜座溶 )
水 75ml
蛋 一隻
牛油 20克
黑芝麻粉 同黑芝麻 適量
牛油, 蛋液適量 (加在麵糰表面 )

做法:
1) 將所有材(除牛油 )拌勻, 搓至有彈性, 然後加入牛油搓至不黏手可以拉出薄膜就可以放入己掃油o既大碗內, 蓋上保鮮紙第一次發酵, 大約發酵30分鐘.
2) 第一次發酵完成取出麵糰分成8份, 排氣, 滾圓再鬆弛20分鐘.
3) 將麵做形放入已掃油之焗盆內, 再蓋上保鮮紙 作最發酵 , 大概發酵40分鐘或兩倍大.
4) 最後發酵完成,  在麵糰表面掃上蛋液, 灑上黑芝麻或白芝麻, 再放上一少粒牛油.
就可以放入預先以170度之焗爐內焗18分鐘或表面金黃.
5)  焗好就脫模待涼. \

 食得 !!!!

 

天氣轉凍, 到親蜜O既時候喇!!

天氣轉凍, 阿寶同JIMMY就越O黎越親蜜喇 !!!! 睇見佢兩個咁close..我都好開心 !!!  不過 Jimmy 呢個衰豬都係改唔到d臭脾氣 !!! 間唔中發驚無神都會打阿寶o架 !! 但阿寶依家叻咗, 識得自衛 !! 唔會俾 Jimmy任打o架喇 !!! 

遲d 仲凍, 佢兩個有排痴!!!

 你睇JIMMY個樣....好搞笑 !!!!

蜂蜜蛋糕 - 附食譜

好想好靚好靚o既蜂蜜蛋糕 !!! 今年較早前試過一次, 但係失敗咗 !!! 只因自己粗心大意 !!! 上星期都為咗整俾同學仔試, 初第一次時效果都係麻麻, 因為係用全蛋法, 效果出o黎比較粗, 唔夠細緻 ! 跟住到第二日再試多次, 就用分蛋法 !!! 呢一次較果好d, 但都仍有待改進!!!

早兩日我再試, 因為我想整俾我朋友試 !! 順便自己再練習下 !!!  呢一次效果好唔錯 !!! 蛋糕唔太甜, 好較熟, 質地都算細緻!!!  我自己試咗一件, 好滿意 !!! 尋日拎咗俾朋友試 !!! 佢兩個都話好味道 !!! m...今次真係合格喇 !!!! yeah!!!!!!!

食譜: 大概可以切 14-16件.(厚切), 如果切薄d..可以切到差唔多18-20件 )

蛋黃 8 個

白砂糖A 115克 

蛋糕乳化劑 約一茶匙

蛋白 8 個

白砂糖B 100克

蜂蜜 50ml

牛奶 50ml

高筋粉 200克 

自製蛋糕模 (方形模 22*21*8,  

用紙皮摺出方形模, 用鍚紙包好成個蛋糕模, 再在蛋糕模內加牛油紙. 

做法;

1) 高筋粉過三次篩.

2) 蜂蜜加入牛奶中座熱水, 讓蜂蜜同牛奶混合拌勻.

3) 蛋黃加入白砂糖A及蛋糕乳化劑用電動打蛋器將蛋黃打至淡白色及將蛋糕乳化劑完全混合蛋漿.  

4) 將蜂蜜奶加入蛋黃漿中輕輕拌勻.

5) 白砂糖B 分三次加入蛋白中用電動打蛋器打至蛋白企身. 

6) 將1/3已過筋的高筋粉加入蛋黃漿中輕輕拌至無粉粒, 再將部份蛋白霜加入輕輕拌勻, 跟住再加 1/3高筋粉拌勻, 再加部份蛋白霜拌勻, 然後加入 最後 1/3高筋粉輕輕拌勻, 亦將餘下蛋白霜加入拌勻

. 

7) 將麵粉漿倒入模中. , 拍幾下, 將蛋糕漿中既空氣排出, 再用籤拮去表面O既氣泡. 

8) 放入預先以 165度O既焗爐內焗20分鐘或表面上色, 然後再蓋上鍚紙蓋再繼續焗 40分鐘.(即總共要焗60分鐘) 

 9) 焗好先用竹籤插入蛋糕, 如竹籤無沾上蛋漿即表示蛋糕已熟, 如未熟就多焗一陣, 視符蛋糕情況. 

10) 焗好從鍚紙盒中取出蛋糕, 再除去牛油紙, 用耐高溫O既保鮮紙將包糕完全包好, 然後倒扣室溫中攞放過夜.

11) 第二天就可以除去保鮮紙, 將蛋糕切件 !

食得!!!!

我用自製蛋糕盒, 用紙皮裁出尺寸, 再摺成蛋糕盒, 用鍚紙包好 !!! 就成為隔熱能力較高O既蛋糕盒 , 用時要再加牛油紙,  不過我唔記影相低個盒.

呢張相 O既右下角果度隱約睇到個牛油紙. 哈...

呢個鍚紙盒可以重用好多次, 唔好用完就掉呀 !!!!

梅子醋, 黑糖梅酒

今日又再整梅, 今次試新o野!!! 試下整梅子醋, 因為之前上網睇梅酒時見到教整梅子醋 !!! 於是都試下先得 !!! 梅子醋仲簡單 !!! 都係洗淨d梅等風乾 , 去蒡. 跟住以一份青梅一份冰糖再加一份米, 不過浸o既時間就長d, 要一年 !!!

梅子醋有乜好處呢 ???資料來自
https://tw.knowledge.yahoo.com/question/question?qid=1306031213427

(1)增強免疫力

好醋能促進新陳代謝，平衡血液的酸鹼值，使血液中的抗體增加，使擔負免疫作用的淋巴細胞吞噬能力增強，提高身體的抗病能力。



(2)營養素豐富

釀造醋主要含有維生素、氨基酸、礦物質、有機酸、醋酸菌、酵素等豐富營養素。能有效的促進身體新陳代謝，徹底改善身體不是的症狀，讓人重拾健康。



(3)是鹼性食品

醋能防止體液酸性化，使之保持在弱鹼性的狀態，促進新陳代謝，防止肥胖、消除肌肉與關節的痠痛、改善食慾、治療便秘、降低血壓、消除心悸與氣喘、改善糖尿病。醋富含有機酸，攝取醋能讓體內的檸檬酸循環順利進行。



(4)活化細胞

大部分的食物都需要依靠酵素的幫助，才能燃燒，而釀造醋中豐富的活性酵素，當酵素與氨基酸結合，即可幫助細胞新陳代謝，促進血液組織製造與賀爾蒙產生，進而增加肌肉的張力與緊實，對人體確實有很大的幫助。



(5)補充鈣質

礦物質中的鈣，本來就是人體比較不容易吸收的營養素，如果能配合飲用釀造醋，透過自然發酵的釀造醋中富含的維生素、有機酸，例如醋酸、檸檬酸、蘋果酸、琥珀酸等，這些有機酸，能將食物中的鈣、磷與礦物質有效萃取出來，形成醋酸鈣促進身體有效吸收，才能真正補充鈣質。



(6)迅速消除疲勞

醋中的檸檬酸，可以有效分解人體肌肉中引發疲勞的物質即乳酸和丙酮酸，迅速消除疲勞，並鎮定神經系統。所以試著在運動過後喝一杯醋，可以把運動後產生的肌肉酸痛，迅速緩解。


(7)幫助胃而不傷胃

醋所富含的醋酸與檸檬酸能滲透入我們吃進身體的食物，把食物的養分萃取出來，幫助胃消化吸收能力，並且補足器官必需之營養素，增強其活力改善體質。

另外整埋黑糖梅酒, 唔用冰糖用黑片糖 !! 唔知味道會唔會仲好飲d 呢 ??? 要等多幾個月後先有得試 

2014梅酒

好耐都無寫blog喇 !!!!! 今日條筋 戚起好想寫返 !! 不過都唔知可以捱到幾耐 !!!

尋日整咗梅酒 !! 筆錄返做個記錄 !!

記得對上果次整梅酒已經係 2012年o既時 !!!  跟住2013年好似整咗 咸梅, 無整梅酒 !! 而屋企果 d 梅酒 都係飲淨2013果一樽, 果一樽係用 雙蒸浸o既 !! 前日倒咗 d o黎飲, 發現 用三蒸係好飲過雙蒸!! 所以2014年呢一樽我會用返三蒸o黎浸 !!!

尋日就約咗大家姐去咗荃灣食下午茶 , 順便買咗一瓶五斤裝o既三蒸酒, 只係 78蚊 !!! 一定平過我天水圍買 !!!! 雖然重就重d !! 但係平d麻 !!!!

今次整o既酒 成份量大概如下:

 青梅 2斤

三蒸酒 1100ml

冰糖 1包 (因為我鍾意甜d)

其實我都唔知有冇記錯...@@

總之 下次再整都係一份冰糖二份梅三份 酒 !!! 想甜d就加多dd糖就ok  o既 !!!