軟式法國麵包

早幾日去圖書館借咗本整包包o既書!! 借咗返o黎就梗係試下d 食譜掂唔掂啦!!! 因為有 d 食譜真係怪怪地!! 跟足都出事!! 今次借o既呢本書係(50種簡單健康的基本麵包製作教室) 第一款試咗o既包包係(軟式法國麵包)材料好簡單!!! 就係貪佢夠簡單, 所以就試佢先!!! 材料:(一個大o既包包) 水 130ml(不過我覺得唔夠, 加到去140ml) 高筋粉 200克糖 6克鹽3-4克酵母 4克)紅依士牛油15克 (我自己加入的) 做法: 1) 將水, 高筋粉, 糖,鹽紅依士加入麵包機中先拌勻, 拌至有筋性再將牛油加入拌至光滑不黏手為止!1 2) 先發酵至2.5倍大, 然後分排氣, 滾圓鬆弛15分鐘! 3) 將麵糰做型, 最後發酵至2倍大! 4) 表面灑上高筋粉, 界三刀! 放入預先以 200預熱o既焗爐內焗20-25分鐘即可!

2013年9月台灣之旅第一天PART I

好耐都無寫BLOG喇!!! 好似完全無咗推動力去寫!!! 亦可能因為以前YAHOO BLOG太簡單, 太容易寫, 一 D 都唔麻煩!! 所以寫起上O黎都好方便!! 但依家新O既BLOGGER...好似唔係咁就手!! 無YAHOO BLOG咁簡單!! 所以寫寫下又出問題...寫寫下又唔小心DELETE咗..搞到我都唔想寫!!!

今次再寫...係因為真係想留返D記憶O係個BLOG度, 第時睇下都知自己之前搞過D 乜!!

早排九月尾同三位好友去咗台灣玩咗三日!! 今次係自遊行!! 亦都係我第一次自遊行!! 從前我都係跟團!! 貪佢夠方便, 俾咗錢帶埋行李PASSPORT就去玩得喇!!! 乜都唔使諗!!! 今次揀自遊行係因為幾個FD都話想試自遊行, 睇下搞唔搞得掂!!! 叫咗一個新嘗試新體驗!!! 不過好可惜...我地都唔係太適合自遊行!!! 原因有好多...唉...總之就唔適合啦!!

好啦, 都係講返我地呢個台灣之旅, 今次係去高雄同鮭墾丁!!

我地9月30號早上坐港龍機, 原本係8:50起飛, 不過等到9:35先真係飛上天!! 唔知中間出咗乜問題?? 機上一D廣播都無O既!!!

大概十一點去到高雄機場, 我地BOOK 咗車, 因為自己搵車搭...O墾丁都唔係太方便, 租車會好D!!

不過見到司機, 再睇埋個司機安排果架車就出問題喇!!! 個司機渣O黎果架車其實係一部的士!!! 仲架的士O既車尾廂好細.........放唔哂我地四個喼!!! 淨係呢度我地都嘈咗一輪!!! 個司機叫我地轉過架大車!! 不過我地又唔想!! 因為要加錢呀麻!! 仲有好似俾佢搵笨咁!! 條氣有D 唔順!!  最後傾咗一大輪我地一時間又無諗過轉司機....最後都係上返果架車, 但其中一個喼就搬埋入車厢內, 擺埋上大脾一齊坐!!! 唉................真係自己都覺得低能!

由於O係香港O既時候聯絡過個司機, 佢話同佢兌錢抵D, 所以我地都無O係機場兌台幣,  所以上咗車後個司機載我地去某個地方換錢先!!!  由於同個司機三唔識七, 最初都有D擔心!! 不過好彩都無事發生, 安全兌換台幣, 個價真係好DD!!

兌好錢就繼續開車, 我地坐咗大概兩個鐘頭去到墾丁!! 第一個景點係[東城福安宮], 點解會去呢個景點呢!!! 事願係個司機話台灣O既(威力彩)好耐都無人中頭獎, 總共有九億新台幣, 問我地買唔買, 我地貪得意咪話買囉!!! 於是個司機就載我地去[東城福安宮]附近買彩票!! 順便去望下呢個景點!!!

其實都無乜O野睇!!! 不過我地就O係個宮O既對面買咗好多咸蛋同皮蛋囉!!! 哈....點解呢 ?? 因為O係果個市場度有D鋪頭賣手送!! 有個鋪頭門口擺咗好多咸蛋皮蛋俾人試食!! 我地試咗又真係幾好味喎!! 不過當時我就無買, 我個FD就買咗D諗住返香港俾屋企人試!!! 於是我地第一日去到台灣所買O既就係咸蛋同皮蛋!!! 諗起都好搞笑!!

之後就上返車去我地入住O既民宿[海堤]放低行李先!!! 然後先去食晏!!! 我地原來想住[遇見墾丁]呢間民宿, 不過租O既時候就話無房, 到我地轉咗租[海堤]時, [遇見墾丁]先回覆有房, 唉...可惜巳經BOOK咗[海堤]喇!! 想轉都無得轉啦!!!  不過[海堤]呢間民宿都好靚, 望到海景, 唯有麻麻就係間房細咗D!!!

我地放低行李就繼續出發, 去食晏先!! 墾丁咁近海,,上網見D 人都係去食魚生, 話好平喎!! 於是我地都去試下!!!

原本諗住去試[輝哥], 不過個司機就話輝哥D魚生有D係冷藏O既, 唔新鮮喎!!! 又話人多有排等, 叫我地試另一間[阿興魚生], 去到啱啱有客走咗, 即刻有位!!! 坐低當然係點魚生片啦!!! 仲有花枝丸, 蝦, 炒咗碟菜同叫咗海膽, 樣樣都唔錯, 唯獨是個海膽唔掂!!! 一個30蚊港紙,但海膽肉少到你唔信............有D搵笨!!!

食完晏之後, 我地安排咗去坐半潛艇, 由於上網見D人話坐呢雙潛艇會暈船浪, 所以我個FD都好醒, 預早買D暈浪丸, 所以我地坐完都無事呀!!!



不過好失望囉!! 因為坐哂全程所見O既魚並唔多!! D 水又唔清!!! 有D把鬼O架!!!
落咗艇個艇家就話因為台灣有個颱風O黎緊, 所以水無咁清, 魚亦無咁多!!! 真係想叫佢回水呀!!!

好啦...咁耐無寫BLOG....寫住咁多先!!! 下次再繼續!!!

老越(荃灣)

尋晚約咗我D 同學食晚飯!!好耐都無試過咁齊人!!! 今次齊齊整整七個人食晚飯!!

約咗去荃灣新開O既[老越]食越菜! 由於係新開O既! 我地都係第一次去試菜! 可能係太新, O係OPERRICE都未見呢間鋪頭O既資料! 好彩我地O既V同學好醒目,  較早前佢經過呢間鋪頭O既時候順便BOOK埋位!! 因此我地尋晚去到都可以唔使等就有位喇!!! 

我地尋晚叫咗以下O既菜, 不過有個越式春卷我唔記得影呀!!!

整體O黎講O野食O既 質素都OK!!  可惜我要戒口!! 有 D O野我都唔敢食!! 真係可惜!!

我地七個人總共食咗八百幾蚊!!! 今次又係同學仔我食!!!其實我真係好唔好意思!!!

希望大家以後真係唔好咁客氣!!! PLEASE!!!

失敗的濃香芝士塊

好耐都無整O野食喇!! 可能係腳O既傷口仲未好!! 仍然要戒口!! 好多O野都唔食得!! 真係慘!! 搞到心情都麻麻!! 連O野食都唔想整!! 不過今日的起心肝整O野食! 因為今晚約咗同學仔食飯! 想整D O野俾佢地試下!! 不過好境不常!! 一係唔整! 一整就失敗!!! 今次整O既係食譜入面叫O既濃香芝士塊O既餅!! 整完出O黎好鬼甜!!!!!!!!!!!! 又過咗火!!! 效果好唔掂! 於是再接再厲, 再試第二次!! 減咗糖O既份量, 將火力調返低D, 焗O既時間亦縮短咗!! 出O黎效果好過第一次DD, 不過依然係好甜!!!! 效果一樣唔理想!!!! 之後同同學仔講咗...佢好偉大, 佢話我都整咗, 咪拎出O黎試下囉!!! 哈....真係好有冒險家精神!!! 咁我就厚D面皮拎俾佢地試啦!!! 講明, 唔好食就掉咗佢啦!!!! 唔使覺得唔好意思O架!!! 哈. 以下所見O既係第二輪O既製成品!! ..

 

傷口仍未好!

九月頭俾JIMMY咬傷隻腳!! 睇咗醫生, 食咗一個星期抗生素!! 洗咗個幾星期傷口! 可惜個傷口到依家都仲未好得返哂!!! 尋日個傷口仲有D刺痛添!!! 今日再去睇多次醫生!! 醫生話肉裡面仍然發緊炎!! 要再食多一個星期抗生素!!! JIMMY.....你D口水真係超毒!!! 希望食埋今次藥就真係會好返哂啦!!!

Jimmy又發作

早排又有 D 事發生咗!! O係9月頭JIMMY又唔知做乜...受咗乜O野刺激....又向我襲擊!!! 呢一次又係爪傷我隻左手手腕同埋咬咗我隻左腳兩啖!! 唉.... 初初我以為無乜O野只係自己消毒無去睇醫生, 不過過咗兩日被咬O既傷口開始發炎!! 所以一定要去睇醫生!! 醫生開咗D 消炎藥同抗生素俾我食 , 另外打破傷風針!! 可惜到今日個傷口都仲未好返哂!!! 唉....真係慘!!! 今次JIMMY又再襲擊我, 情況同今年四月初發生O既情況差唔多 ! 人物, 地點都係一樣!! 當日我, 我二家姐同埋阿寶O係我個房度!! 我如常同阿寶玩...而我二家姐兩次都係好耐無O黎屋企坐.......一返O黎..唔知係咪JIMMY唔習慣...跟住就發生同樣O既事情!! 唯一好彩O既..今次我無咁傷!!! 事關上次真係俾JIMMY爪到我對腳花哂..出哂血!! 好得驚O架!! 呢件事後, 我同我二家姐講, 我同佢仲有阿寶唔可以三個同一時間O係我個房度出現!! 以免JIMMY又發作 !!! 依家唯一希望O既...就係個傷口快D 好!! JIMMY以後唔好再傷人!!! 仲有今次呢個意外, 好多謝好多網友O係FACEBOOK度對我O既關心, 同埋教我買咗[FELIWAY呢個產品, 用咗佢 JIMMYD 情報穩定D... 因為未用之前, JIMMY一見阿寶就追打....阿寶就驚到LEE埋唔敢露面!! 而我見到JIMMY都有D 驚!! 但係一用咗[FELIWAY], JIMMY即刻無咁癲, 但我都持續用咗成個星期!!! 佢兩個依家無哂事喇!!! 希望JIMMY真係乖D 啦!!!! 佢一唔乖...我就驚親屎呀!!!!!! 應該係我同阿寶都驚餐屎先啱!!!!

再度搬家!!!!!

由於自己o既低能....將舊有yahoo blog o既料全部搬咗去xuite o既blog!!! 另外亦由於我覺得blogger唔好用!!! 所以我要再度搬blog, 大家請你去以下個blog探我喇!!! thx!!! http://blog.xuite.net/maxgrace2004/hkblog

唔好用!!

呢個新O既BLOG....其實我覺得唔好用!!! 又唔方便!!! 搞到連寫O既興趣再減低D!!!! 第時可能一搬再搬!!不過依家都仲會用住呢個新BLOG先O既!!!!

薄荷軟心朱古力慕士

呢個薄荷軟心朱古力慕士係2012年2月13日整o既!!! 呢個蛋糕我都好滿意o架!! 所以特登放返上去blogger 呢邊留返個記念!!! ^^

發糕o既食譜: 可以做到五至六個.

低筋粉 100克

粘米粉 100克

泡打粉 8克

砂糖 120克

水210克

紅色色素 幾滴

 

做法:

1) 將所有粉過篩再加埋砂糖放入大碗拌勻.

2) 將水加入拌成粉漿.

3) 將色素加入拌勻,

4) 將粉漿倒入紙杯或碗中靜待五分鐘.

5) 用大火蒸20分鐘.

完成.

 

注意, 粉漿倒入杯或碗之後一定要靜止幾分鐘唔好郁佢, 咁樣個發糕先爆得靚o架.

日式芝士蛋糕

食譜來自]為食貓]:
麵粉 30克
粟粉 10克
雞蛋 2隻
糖 40克
卡夫芝士 2片
淡忌廉50克
牛油30克

做法:

1.	預熱焗爐 160 C (焗盆加熱水)。
2.	蛋白 + 糖 25克，用電動打蛋機打至企身。
3.	蛋黃 + 糖 15 克 ，用手打至淡黃色。
4.	篩好麵粉及粟米粉。
5.	卡夫芝士片 + 淡忌廉 + 牛油 ，一同隔水煮熔 。
6.	攪勻 (2)+(3), 篩入 (4),  加 (5) 攪勻，隔熱水 焗 30 分鐘。 完成.

檸檬芝士凍餅

食譜:  來自[chi chi's kitchen] 不過我係用六寸模.

餅底: 我修改咗.
消化餅 碎65克
牛油溶液 27克

將牛油溶液加入餅碎拌勻, 再倒入模中, 平均壓實. , 然後放入雪櫃雪至凝固.

芝士饀
淡忌廉200克
忌廉芝士 250克(預早放在室溫解凍)
白砂糖 80克
檸檬青 1個
檸檬汁 半個
魚膠片 11克
水3/4碗

做法:
1) 淡忌廉用電動打蛋機打至七成企身, 放回雪櫃備用.
2) 忌廉芝士加入白砂糖用電動打蛋機打至滑身.
3) 將檸檬青及檸檬汁分幾次加入芝士中拌勻.
4) 魚膠片加入水中座熱水座溶.
5) 取出淡忌廉, 分幾次加入檸檬芝士饀中拌勻.
6) 將魚膠水(水不要太熱)加入檸檬饀中快手拌勻.
7) 將饀倒入模中雪至少三-4小時.

8) 脫模, 食得!!!

17個 牛油 160克 糖 140克 蛋4隻 低筋粉 200克 可可粉 20克 泡打粉 3茶匙 朱古力粒 隨自喜好 焗過O既合核 隨自己喜好 做法: 1) 牛油加糖用電動打機打至淡白色, 將蛋逐隻逐隻加入牛油霜中用電動打機打勻. 2) 將粉款過篩加入牛油漿中拌至無粉粒. 3) 將牛奶加入朱古力漿中拌勻. 4) 將粉醬倒入紙杯中, 加入朱古力粒同合核碎拌勻, 再O係表面加朱古力粒粒. 5) 165度焗 20分鐘. (如果紙杯係大個O既就要焗耐D) .

朱古力香蕉戚風蛋糕

食譜:

蛋黃 3 個
砂糖 65克
熟香蕉一條(將香蕉打成香蕉糊)
菜油 35ml
可可粉 1湯匙
低筋粉 70克
泡打粉 3/4 茶匙
蛋白 3隻

做法:
:
1) 將可可粉加入菜油中拌勻, 再倒入煲中用細火將油煮熱, 熱熱地就可以熄火喇.
2) 將砂糖加入蛋黃中, 用手動打蛋器將砂糖拌至溶解就ok.
3) 將香蕉糊加入朱古力菜油中拌勻, 再將已過篩o既低筋粉同泡打粉加入拌勻, 將麵粉漿再過一過篩會更加好.
4 蛋白用電動打蛋器打至企身, 然後加入麵粉漿中拌勻, 然後倒入模中輕拍幾下, 將空氣排出, 再放入預先以170度預熱o既焗爐內焗30分鐘, 焗好即倒扣, 待涼後就可以脫模, 食得!!!

新blog!!

Yahoo blog將於今年12年執笠喇!!! 記得我o係2006年開始寫yahoo個blog!! 唔覺唔覺就寫咗咁多年! 不過亦都因為yahoo改新版...而我亦慢慢懶咗落黎!!! 越o黎越少寫blog!!! 好似無咗果份興趣咁!! 亦都有可能係因為facebook o既關係!!! 我好大部時間都係去咗 facebook....因而冷落咗yahoo blog!!! 不過yahoo blog要關門大吉!!! 為咗可以繼續keep住同　ｄ　ｂｌｏｇ友　交流　！！　所以開咗我呢個新　ｂｌｏｇ！！　查實我未用　ｙａｈｏｏ　ｂｌｏｇ之前，　都係用緊　｛ｂｌｏｇｇｅｒ｝ｏ架　！！　但遺棄咗佢太耐！！　連舊有個　ａ／ｃ都忘記得一乾二淨!!! 所以開過個新o既o黎繼續寫blog!!! 不過開咗呢個新之後!!! 有冇人會入o黎呢????? 哈...我都唔知道!!! 不過三, 幾個都應該有掛!!! anyway. 開咗慢慢用落去睇下點啦!!!