軟式法國麵包

早幾日去圖書館借咗本整包包o既書!! 借咗返o黎就梗係試下d 食譜掂唔掂啦!!! 因為有 d 食譜真係怪怪地!! 跟足都出事!! 今次借o既呢本書係(50種簡單健康的基本麵包製作教室) 第一款試咗o既包包係(軟式法國麵包)材料好簡單!!! 就係貪佢夠簡單, 所以就試佢先!!! 材料:(一個大o既包包) 水 130ml(不過我覺得唔夠, 加到去140ml) 高筋粉 200克糖 6克鹽3-4克酵母 4克)紅依士牛油15克 (我自己加入的) 做法: 1) 將水, 高筋粉, 糖,鹽紅依士加入麵包機中先拌勻, 拌至有筋性再將牛油加入拌至光滑不黏手為止!1 2) 先發酵至2.5倍大, 然後分排氣, 滾圓鬆弛15分鐘! 3) 將麵糰做型, 最後發酵至2倍大! 4) 表面灑上高筋粉, 界三刀! 放入預先以 200預熱o既焗爐內焗20-25分鐘即可!